Ավարտված և ընթացքի մեջ գտնվող նախագծեր՝
Ըստ փաթեթների`
Տէառնընդառաջի ծեսը նախակրթարանում
Այսօր նշեցինք Տեառնըդառաջի ծեսը։ Նախօրոք պատրաստեցինք տոնական սեղանը` աղանձով, փոխինձով և կոնֆետներով, որից հետո ինչպես ընդունված է կրակը վառեցինք։ Երգել, պարելուց հետո, երբ կրակը հանդարտվեց հերթով սկսեցինք թռչել կրակի վրայով։Իրական տոն, իրական դպրոց-պարտեզում։
Բարեկենդանի ծեսը նախակրթարանում
Բարեկենդանի տոնախմբությունը, խրախճանքի և ազատության օր է, և
ամենասպասված ու ամենասիրելի տոներից մեկն է մեր համար։ Բարեկենդանի անբաժան մասն էին Ուտիս տատը և Պաս պապը կամ Ակլատիզը, ինչպես նաև Բարեկենդանի ծիսական խաղերը։ Արևմտյան դպրոց-պարտեզում այսօր ծիսական ուրախ երգ ու պարով նշեցինք Բուն բարեկենդանը։
Ձեզ ուրախ դիտում…
Այսօր մեր խմբասենյակում տեառընդառաջի նախատոնիկ էր։ Տոնի ավանդույթի համաձայն կատարեցինք կարմիր֊ կանաչ ժապավեններով ծառզարդար։ Շուրջպարով երգեցինք <<Խնկի ծառ>> երգը։ Քննարկեցինք ծեսի խորհուրդը , ինչպես ենք վախերը <<չիկ>> անելու և ծառը նետելու խարույկի մեջ` ի սպառ վերացնելու վատ սովորույթները։
Տեառնընդառաջի տոնը Տիրոջն ընդառաջ գնալու հրավեր է բոլորին։ Սա աստվածային սիրո գերագույն դրսևորումն է: Յուրաքանչյուրս պետք է անսանք Տիրոջ ձայնին: Սովորության համաձայն՝ Տեառնընդառաջի տոնին նվերներով այցելում են նորապսակներին։ Տեառնընդառաջ նշանակում է Տիրոջն ընդառաջ գնալ։ Խորհրդանշում է ձմռան ավարտի մոտենալը և գարնանամուտը։ Oրհնված մոմի կրակով վառում են նաև տոնի գլխավոր խորհուրդ՝ խարույկը և հայցում ամենակարողից աստվածային սիրո հուրը։ Տիրոջ գալստյան նախատոնակը կատարեցինք նաև մեր խմբասենյակում ուրախ երգ ու պարով ։
Ազգային խոհանոց. Պատրաստում ենք հալվա
Մեր ծեսի հյուրասիրության սեղանին կլինի նաեւ ազգային ուտեստ` հալվա։ Սաների ձեռքերով պատրաստած։
Ներկայացնում են Արևմտյան դպրոց-պարտեզի սաները՝ Հովհաննես Թումանյանի «Սեվուկ ուլիկ» հեքիաթը:
Ձեզ հաճելի դիտում…
Նախապատրաստվելով Բարեկենդանի ծեսին սաների հետ խաղացինք մեր ավանդական խաղերից` Աչք կապոցի, Պարան քաշոցի և Աքլրորակռիվ։ Մանրամասները
`տեսաֆիլմում…
« Ես միշտ ձեզ հետ եմ, ձեր մեջ եմ »` առաջիկա Թումանյանական օրերին առաջնորդվում ենք մեծն բանաստեղծի այս հայտնի խոսքերով։ Ամենուր նրա ոգեղեն շունչն է։ Խաղեր, ոտանավորներ, հեքիաթներ… Այսօր էլ պատմեցինք Հ. Թումանյանի << Անհաղթ աքլորը>> հենց Լոռվա բարբառով։
Բարեկենդանի ծեսին ընդառաջ սաների հետ պատրաստեցինք բազմերանգ դիմակներ`այլընտրանքային եղանակով։
Այսօր շատ ուրախ օր ունեցանք։ Թումանյանական օրերը համալրեցինք արտա֊ սանելով << Փիսոն֊փիսոն >> ոտանավորը։ Նմանակեցինք հերոսին, ընդունելով փիսոյի կերպարը , սաները նմանակելով խաղացին միմյանց հետ և արտաբերեցինք նրան վայել ձայները։
Վերջապես զգացվեց ձմառն շունչը։ Այցելեց մեզ երկար սպասված ձյունը։ Մեզ մնում էր շտապել բակ և վայելել ձմռան խաղերը։
Հաշվետվությունը ենթակա է լրացումների